«Білім болашағы: адал азамат, кәсіпқой»

Жоғары қазақ гуманитарлық-техникалық колледжі 19 тамыз күні Қосшы қаласында өткен «Білім болашағы: адал азамат, кәсіпқой» атты облыстық тамыз педагогикалық конференциясына облыстың 300-ден астам ұстаздарының басын қосып, қатысушы болды.

Жұмысшы мамандықтары жылына арналған конференция аясында колледжіміз көрмеге экспозиция ұсынды. Зертханалық және практикалық сабақтарда қолданылатын заманауи оқу стендтері көрсетілді: автомобильдің тұтану жүйесі, электрмен жабдықтау жүйесі және іске қосу жүйесі.

Мұндай стендтер студенттерге автомобильдің электр жабдықтарымен жұмыс істеу негіздерін тәжірибеде меңгеруге және өндірісте сұранысқа ие кәсіби дағдыларды дамытуға мүмкіндік береді.

Экспонаттар көрмеге келушілердің үлкен қызығушылығын тудырды.

Форум жетекші мамандар мен мемлекеттік қызметкерлердің басын қосты. Оның жұмысына Премьер-Министрдің орынбасары Ермек Көшербаев пен Ақмола облысының әкімі Марат Ахметжанов қатысты. Конференцияның негізгі тақырыптары цифрлық трансформация жағдайында білім беруді дамыту, жасанды интеллект пен инновациялық технологияларды пайдалану және мұғалімдердің кәсіби өсуіне жағдай жасау болды.

Пленарлық отырыс барысында сарапшылар озық ойларымен бөліссе, облыс мұғалімдері VR технологиялары мен АИ-ді оқу үдерісіне енгізу тәжірибесімен таныстырды. Сондай-ақ инновациялық шешімдер көрмесі ұйымдастырылып, білім беру саласының үздік қызметкерлерін марапаттау рәсімі өтті.

Біздің колледж үшін бұл шараға қатысу – заман ағымына ілесу, әріптестердің тәжірибесін үйрену және болашақтың сын-қатерлеріне дайын бәсекеге қабілетті ұрпақты қалыптастыруға үлес қосу мүмкіндігі. Бірлескен күш-жігер арқылы ғана қуатты және гүлденген Қазақстанның негізіне айналатын білім беру жүйесін құра алатынымызға сенімдіміз!